المنوعات

ريهام عبد الغفور: الحب الأول ليس وهمًا.. وأنا مقاتلة ولا أعرف اليأس


النجمة المصرية ريهام عبد الغفور

أكدت النجمة المصرية ريهام عبد الغفور تعوّدها على العيش لحظة بلحظة، وعدم تفكيرها بشأن المستقبل، معتقدة بأن الدنيا يمكن أن تتغير في ثانية، لذلك لا تضع المزيد من الخطط المستقبلية لحياتها الشخصية.

وأضافت الفنانة عبد الغفور خلال حوار إذاعي محلي أن سنة 2020 وجائحة كورونا أكدتا لها هذا الشعور، معلقة: “بعد العامين الماضيين اتعودت أعيش اللحظة بكل حاجة فيها لأن الدنيا بتتشقلب في ثانية ولا أضع خططاً للأيام المقبلة، و2020 صدمتنا شوية لكن الجاي أحلى، وأول كل حاجة دائما بيبقى ليها طعم تاني”.

وأوضحت بشأن مدى ديمومة الانطباعات الأولى: ” أنا لا استعجل في الحكم على الناس، وبديلهم فرصة ولا أحب تكوين فكرة عن الأشخاص من أول مرة، ولو حد واخد انطباع عني غلط كنت ممكن أصححه له، وببقى مقهورة لغاية ما أصحح له الفكرة لكن دلوقتي لا مش ببذل المجهود قوي”.

img

ولفتت ريهام: “الحب الأول مش وهم ومش هييجي زيه لكن لما بنكبر شوية بيكون الحب حقيقي أكتر. وبعد كورونا بقيت ممتنة لكل الحاجات اللي كانت عادية زي إني قادرة أزور أهلي وأسافر”.

وبخصوص شخصيتها ذكرت عبد الغفور: “شخصيتي لا تعرف اليأس، وأنا مقاتلة وبكمل لو عملت حاجة منجحتش بتعلم منها، وكل عمل بدخله بشتغل كأني أول مرة أشتغل، وأمثل بنفس الحماس والتوتر وكل حاجة. ولو عملت حاجة ومنجحتش التجربة اللي بعدها بيبقى عندي حماس أكبر عشان مش عاوزة اتهزم أو أتكسر”.

أقرأ المزيد:

وبينت: “أول حاجة أحب أبدأ بيها يومي إني أشوف ابني الصغير وأبوسه وأحضنه. وأول حد بتصل بيه هي أمي وأول مشروب ليا الشاي بلبن”.

img

أشارت: “اول لعبة في الجيم بمشي شوية على المشاية لكن أنا مش غاوية رياضة، ومؤخرا اتجهت لليوجا”.

وفيما يتعلق ببدايتها الفنية قالت: “أول لوكيشن صورت فيه كان ستوديو النحاس وأول مشهد تمثيل مع أستاذ يوسف شعبان ونهال عنبر في العائلة والناس.. أول عمل حسيت إنه بدايتي الحقيقية هو فارس بلا جواد والناس التفتت لي فيه. وأول حاجة عملت جمهور كبير أكثر كان مسلسل الريان.. أول مرة بعمل دور واحدة قاسية القلب بزيادة؛ شخصية عايدة في قصر النيل”.

img

واختتمت ريهام حديثها بالقول: “أنا مبحبش الناس المتملقين والبخلاء والناس اللي مبيطمرش فيها بس دي بتحتاج وقت عشان تعرفيهم.. أنا بحب البيتزا وهي اختياري الأول في أي مكان بروحه”.

أقرأ المزيد:

The post ريهام عبد الغفور: الحب الأول ليس وهمًا.. وأنا مقاتلة ولا أعرف اليأس appeared first on تركيا الآن.

اضغط هنا لقراءة الخبر من المصدر

مقالات ذات صلة

اترك رد

زر الذهاب إلى الأعلى
%d مدونون معجبون بهذه: